Реал има три желби на фудбалскиот трансфер пазар!
Следните цели на Реал Мадрид се Килијан Мбапе, Едуарду Камавинга и Давид Алаба. Според „АС“, „кралевите“ посакуваат наредното лето да ги обезбедат услугите на Мбапе, играчот на ПСЖ, иако се соочува со конкуренција од Ливерпул.
Мбапе има договор со париските „светци“ до 30 јуни 2022 година и моментно според „Трансфермаркт“ вреди 180 милиони евра. Не е тајна дека францускиот тренер на Реал, Зинедин Зидан, го посакува својот сонародник.
Шпекулациите велат дека доколку нешто порано Мбапе одлучи да си замине од клубот, во таков случај новиот кормилар на ПСЖ, Маурисио Покетино, ќе се обиде да го ангажира еден од најдобрите стрелци на Манчестер сити, Серхио Агуеро (32) кој има уште шест месеци од договорот со „граѓаните“.
Покетино после неуспешното деби: Мбапе мора да биде подобар!
Зидан исто така ја следи и ситуацијата со Камавинга (18) фудбалерот од средниот ред на Рен. На листата желби е и Алаба, одбранбениот фудбалер (28) до крајот на тековната сезона има соработка со актуелниот европски шампион Баерн Минхен.
Голем број на екипи покажуваат интерес за Австриецот, но се верува дека Реал е во „пол-позиција“ за неговиот потпис.