На „Волстрит“, „S&P 500“ индексот ја надмина границата од 3.000 бодови и достигна рекордно високо ниво бидејќи инвеститорите се надеваат дека ќе има напредок во трговските преговори меѓу САД и Кина.

„Dow Jones“ забележа раст од 57 поени или 0,21 процент на 26.827 поени, додека „S&P 500“ се зголеми за 0,69 проценти на 3.006 поени, „Nasdaq“ за 0,91 проценти на 8.162 поени.

Во отсуство на позначајни економски индикатори и деловни извештаи, компаниите ги привлекоа најоптимистичките изјави на американскиот претседател Доналд Трамп за трговските разговори.

Од 75 компании во индексот „S&P 500“ кои досега издадоа финансиски извештаи за третиот квартал, повеќе од 80 проценти од нив остварија поголема добивка од очекуваната.

Затоа инвеститорите се надеваат дека сезоната на резултати, сепак може да биде подобра отколку што очекуваа аналитичарите.

Во повеќето сектори цените на берзата се зголемија вчера, особено во енергетиката, во просек 1,9 проценти и во финансискиот 1,4%.

Како резултат на тоа, индексот „S&P 500“ се зголеми над границата од 3.000, достигнувајќи само 0,7 проценти од највисокото ниво во историјата.

Но, тргувањето беше воздржано, како што е наведено од под просечниот обем на тргување. Вчера беа разменети околу 5,9 милијарди акции на берзите во САД, додека просечниот дневен обем во последните 20 дена беше 6,5 милијарди.

Вчера се зголемија и цените на акциите на европските берзи. Индексот „FTSE“ во Лондон се зголеми за 0,18 проценти на 7.163 поени, додека франкфуртскиот „DAX“ порасна за 0,91% на 12.747 поени и парискиот „CAC“ за 0,21% на 5.648 поени.