Распоред за АБА2: МЗТ ја почнува сезоната во октомври! – Слободен печат
КошаркаСпорт

Распоред за АБА2: МЗТ ја почнува сезоната во октомври!

Македонскиот кошаркарски шампион МЗТ Скопје Аеродром ќе стартува дома против еден неименуван клуб кој наскоро треба да добие „вајлд-кард“.

На денешната седница во Бања Лука беа потврдени 11 клубови кои ќе учествуваат во наредната сезона во АБА2 лигата.

Официјално во периодот од 2-4 октомври 2019 год. ќе започнат возбудувањата. МЗТ пред своите верни навивачи во СЦ „Јане Сандански“ во првото коло ќе игра против клуб кој сеуште не е именуван, односно наскоро треба да добие „вајлд-кард“.

Во другите средби од првото коло се среќаваат: Спарс-Рогашка, Борац-Ловќен Цетиње, Сутјеска-Нови Пазар, Сплит-Динамик и Хелиос Санс-Широки.

Во второто коло играчите предводени од тренерот Ѓорѓи Кочов кој потпиша нов договор ќе играат на гостувањето во Сараево кај босанскиот Спарс, а во третата рунда се домаќини на словенечката Рогашка.

Комплетниот календар на АБА2 лигата за натпреварувачката сезона 2019/20 можете да го погледнете ТУКА

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close