Работниците имаат право на платен одмор во услови на вонредна состојба
ССМ апелира до работодавачите да ја почитуваат и применуваат оваа одредба од Општиот колективен договор за приватниот сектор.
Работниците кои сакаат да користат платен одмор ќе можат тоа да го сторат и во услови кога земјава е во вонредна состојба поради лични и семејни околности до 7 работни дена во текот на годината, но и за елементарни непогоди до 7 дена, согласно Спогодбата од 2016 година, информираат од Сојузот на синдикати на Македонија.
-Дополнително, предвидено е дека во случај на прогласување на вонредна состојба или кризна состојба или друг вид на непогоди прогласени со Одлука на Владата или друг надлежен државен орган или институција работодавачот може на работникот да му одобри и поголем број на слободни денови, велат од ССМ.
Од ССМ апелираат до сите работодавачи да ја почитуваат и применуваат оваа одредба од Општиот колективен договор за приватниот сектор.