Путин е најпопуларен светски лидер во Србија, а на глобално ниво е на дното
Папата Лав 14 е единствениот лидер што има позитивен резултат од 24 отсто, според истражувањето на „Галуп интернешнал“, со што се одржува доминацијата на позитивното над негативното мислење, но тој резултат е понизок од оној на претходниот папа Франциск (+28 отсто во 2019 година).
Глобалната поддршка за светските лидери е во опаѓање, покажува истражувањето на „Галуп интернешнал“ спроведено во 57 земји и територии, вклучително и во Србија, каде што најпопуларен светски лидер е рускиот претседател Владимир Путин, пренесе „Нова“.
Препорачано
Папата Лав 14 е единствениот што има позитивен резултат од 24 отсто, со што се одржува доминацијата на позитивното над негативното мислење, но тој резултат е понизок од оној на претходниот папа Франциск (+28 отсто во 2019 година).
Останатите лидери имаат негативни рејтинзи: израелскиот премиер Бенјамин Нетанјаху -42 отсто, рускиот претседател Владимир Путин -41 отсто, претседателот на САД, Доналд Трамп -31 отсто, претседателот на Кина, Си Џинпинг -23 отсто и индискиот премиер Нарендра Моди -12 отсто.
Трамп е втор по папата
Доналд Трамп има 30 отсто глобална поддршка, втор по папата (49 отсто), но со нето-рејтинг од -31 отсто. Негативно го перцепираат жените, луѓето постари од 55 години, атеистите, пензионерите и жителите на богатите земји. Најголема поддршка има во Азербејџан (40 отсто), Кенија (34 отсто), Грузија (33 отсто), Сирија (31 отсто) и Косово (27 отсто), а најниска во Иран (-88 отсто), Данска (-84), Шведска (-80), Норвешка (-79) и Швајцарија (-78 отсто).
Владимир Путин има 25 отсто одобрување, со нето-рејтинг од -41 отсто, што претставува голем пад во однос на -12 отсто колку што имал пред војната во Украина. Негативно го оценуваат луѓето над 55 години, пензионерите, атеистите и жителите на богатите земји. Највисока поддршка има во Србија (37 отсто), Индија (30 отсто), Азербејџан (19 отсто), Пакистан (15 отсто) и Малезија (12 отсто), а најниска во Украина (-98 отсто), Данска (-94), Шведска (-94), Норвешка (-90) и Естонија (-88 отсто).
Во Србија, по Путин, најголема поддршка има Си Џинпинг – 22 отсто, по што следува Моди со шест отсто. Неповолен рејтинг имаат Нетанјаху (-50 отсто), Трамп (-44 отсто) и папата (-19 отсто). Папата има полош рејтинг само во Ирак (-24 отсто) и Турција (-31 отсто).
Според истражувањето, европскиот просек ги рангира светските лидери вака: папата +29 отсто, Моди -15 отсто, Си -35 отсто, Трамп -42 отсто, Нетанјаху -48 отсто, Путин -58 отсто.
