Аргентинскиот „магионичар“ Лионел Меси ја напушти Барселона по 21 година и во вторникот потпиша двегодишен договор со париските „светци“ вреден дури 70 милиони евра.

Секако, корист ќе имаат и Парижаните, а нивната онлајн клупска продавница продаде дури 150.000 дресови со името на Меси за рекордно време. Продажбата на дресовите на Интернет започна во вторникот во 23.00 часот, а сите дресови беа распродадени за седум минути.

Откако Меси потпиша за ПСЖ, голем број на навивачи чекаа во ред за да купат дрес со неговото име и број 30, а само на неколкумина им успеа. Побарувачката е толку голема што Парижаните исто така работат прекувремено, за фановите да уживаат во дресовите со името на новата ѕвезда во екипата.

Цената на дресот е 108 долари, што значи дека парижаните заработиле 16,2 милиони евра од продажбата на 150.000 дресови. Според францускиот весник „Л`Екип“, ПСЖ добива само 10 проценти од продажбата, што изнесува 1,6 милиони евра.

На официјалната презентација на Меси, сопственикот на ПСЖ, Ал-Келаифи рече дека „клубот веќе заработил голем дел од парите што ги вложил“ и дека тој самиот не може да поверува на сумата што ја видел во фан шопот.

Меси: ПСЖ е амбициозен клуб, ќе играм со најдобрите на светот