Танкер со нафта наменета за Нафтената индустрија на Србија (НИС) пристигна во хрватското пристаниште Омишаљ, но нејзината дистрибуција беше спречена поради санкциите на САД против НИС. Според добро информирани извори цитирани од Ројтерс, на Србија ѝ остануваат само неколку дена пред рафинеријата НИС во Панчево целосно да престане да преработува сурова нафта.

Српскиот претседател Александар Вучиќ на 9 октомври предупреди дека без испораки, рафинеријата, која снабдува поголем дел од нафтените производи во земјата, ќе има тешкотии во работењето по 1 ноември. Сепак, Вучиќ рече дека складиштата за гориво се полни и дека постојните залихи на нафтени деривати треба да обезбедат снабдување на Србија до крајот на годината.

„Нема да има недостиг од сурова нафта, нејзини деривати, ниту енергетска криза“, рече Вучиќ минатата недела.

Од друга страна, Русија и Србија сè уште работат на наоѓање решение што би ги укинало санкциите на САД, објавени во јануари против мнозинскиот руски сопственик во НИС, кои стапија на сила на 9 октомври по истекот на конечното ослободување, пренесува Кликс.ба.