Денеска во првиот натпревар од 25 коло во Првата македонска лига составот на Академија Пандев триумфираше на гостински терен против Македонија ЃП со 1:2.

Гостите ги реализираа своите голови во првото полувреме преку Крстовски кој двапати стрелаше во шестата и 26 минута од средбата.

Во вториот дел домаќините го постигнаа единствениот погодок преку Фазли во 61 минута од мечот.

На табелата играчите на Александар Васоски се на седмата позиција после деветтиот триумф сезонава (трет по ред) со 31 бод, додека ѓорчепетровци предводени од Жикица Тасевски се на третата позиција со 41 бод.

В недела ќе се одиграат преостанатите дуели од рундата, исто така од 15.00 часот: Пелистер-Вардар, Шкендија-Силекс, Шкупи-Ренова, Струга Трим Лум-Беласица, Работнички-Борец.

Фото: ФК Академија Пандев/facebook