Во најважниот меч од регуларниот дел во најсилниот кошаркарски шампионат, „академиците“ беа подобри од ТФТ (77:65). Екипата на Навико Академија е осмиот и последен учесник во плеј-офот, односно доигрувањето за шампионската титула.

Кошаркарите од Кисела Вода стигнаа до најважниот триумф во првиот дел од шампионатот откако на гостински терен го совладаа ТФТ, и тоа доста убедливо. Учинокот од 11 победи и исто толку порази во регуларниот дел, им носи опстанок во друштвото на најдобрите.

Најголемите заслуги за тоа му припаѓаат на бекот Стефан Крстајиќ кој реализираше 34 поени, а српскиот интернационалец додаде и 10 скока и четири асистенции за скоро 29 минути на паркетот.

Во изданието за заборав на ТФТ, и деветтиот пораз во досега 21 меч сезонава, најдобар беше најмладиот, Андреј Митревски со 18 коша.

Денеска се одигра уште еден заостанат дуел од 20 коло, Работнички нешто потешко од очекувањата го совлада МЗТ Скопје Уни Банка со 84:77.