Протестот пред седиштето на телевизијата „Информер“ во Белград заврши вечерва околу 19 часот со перформанс и едноминутно молчење за 16-те загинати при падот на натстрешницата на реконструираната железничка станица во Нови Сад, објави Бета.

Протестите кои ги организираа студентите во блокада на Факултетот за политички науки и здружението на граѓани „Браќа Јерковиќ“ помина без инциденти. Како што пренесе Н1, собраните во еден момент на протестот побараа извинување од главниот и одговорен уредник на Информер, Драган Вуќичевиќ.

Откако помина 1 час, временски период што му го дадоа на уредникот за извинувањето, на видео-бим пред телевизијата го прикажаа видеото од исечоци од емисијата на „Информер“ фотографии од насловните страници.

Повеќе стотици демонстранти се собраа денес околу 17 часот пред Информер каде го блокираа сообраќајот на булеварот „Пека Дапчевиќ“.

Од зградата на телевизијата за цело време пуштани биле родољубиви и националистички песни, а на кровот на зградата бил и уредникот Вуќичевиќ.