Многу прашина се дигна после промовирањето на дресовите со кои треба да настапува македонската А репрезентација на Европското првенство.

Наместо со традиционалната „црвено-жолта“ боја, промовираниот дрес беше во бордо кој јавноста во најголем дел не го прифати.

Веднаш потоа се огласи и претседателот на Фудбалската федерација на Македонија, Муамед Сејдини кој информираше дека ќе се вратат старите дресови со кои имавме големи успеси.

Воедно првиот човек на македонскиот фудбал додаде дека техничката поддршка во однос на бојата на дресот не е во согласност со барањата на ФФМ.

Федерацијата и службите во ФФМ целосно ја преземаат одговорноста за овој избор, но исто така ќе побараат одговорност и од техничкиот партнер.

Ние како медиум побаравме одговор од Нико Вагнер кој е задолжен за односи со јавноста во реномираната германска компанија за спортска опрема „ЈАКО“:

– Фудбалската федерација на Македонија (ФФМ) вчера информираше дека не сакаат нивната репрезентација да игра во новите дресови со дизајнот на рисот на ЕВРО 2020. ЈАКО не го очекуваше ова. Според ФФМ, главната причина за ова е разочарувањето кај навивачите за бојата на домашниот дрес.

Откако се квалификуваше за европскиот шампионат, ФФМ побара специфичен дизајн со балканскиот рис и домашен дрес во бордо боја. Ние го произведовме овој дизајн во секој детал и го претставивме на јавноста во петок, 28-ми мај – ни изјави Вагнер.

🇲🇰 #EURO2020 #TeamMacedonia #НапредМакедонија pic.twitter.com/2JwmePEsjV

— JAKO AG (@JAKO_info) May 28, 2021

Мојсоски: Незаконски е да се вметнува друга боја во дресот на репрезентацијата