Челзи поради забраната за доведување на играчи не ангажираше нитуедно засилување во текот на летниот преоден рок минатата година.

Иако забраната пред јануари беше укината, на „Стемфорд бриџ“ и во текот на зимскиот преоден рок изненадувачки не се реализира ниту еден трансфер. Се шпекулира дека клубот би можел да се ослободи од услугите на голманот Кепа.

– Се грижам. Мораме да им оддадеме признание на останатите екипи, никој нема да се откаже, сите сакаат да бидат на местото на кое е Челзи – рече Лебеф.

Француската легенда вели дека е задоволен како работи Лампард и како неговите фудбалери играат, но…

– Можно е Тотенхем, Вулверхемптон или Манчестер јунајтед да го престигне Челзи. Не знам дали треба уште нешто да очекуваме од тимот оваа сезона, бидејќи нитуедно засилување не е доведено. На Лампард му е тешко, на сите, но убаво е што се борат.

Челзи моментно е четвртопласиран на табелата во Премиер лигата, што е позиција која обезбедува место во Лигата на шампионите.

Lampard Set To Clash With Chelsea Board Over Replacement Of Kepa….CLICK LINK https://t.co/vbFGNoCVKL pic.twitter.com/rJcqsBO7Eo

— 247 Nigeria News Update (@247NNU) February 4, 2020

Има четири бода повеќе од Тотенхем, кој е на петтото место. Зад третопласираниот Лестер заостанува осум бодови.

Британскте медиуми најавуваат: „Дали пропаѓа сезоната на Челзи? Останатите се засилуваат, а Лампард не успеа да донесе нов напаѓач“.

Со само две победи од седум и тешки мечеви што доаѓаат, би можеле да дојдат само нови проблеми во лондонскиот клуб.

Теми Абрахам, една од ретките светли точки во составот, напаѓачот со 15 голови во сите натпреварувања, и самиот призна дека да се игра за Челзи секогаш постои притисок.

Абрахам моментно е во Дубаи каде што се опоравува од повредата, се очекува за една недела повторно да се насочи кон клупските обврски.