Кошаркарот на Атланта хоукс, Богдан Богдановиќ, најверојатно нема да настапи за репрезентација на Србија на претстојното Европско првенство, пишува Спортклуб.

Причината за најверојатното отсуство на Богдановиќ од ЕП е операцијата која кошаркарот ја имаше пред 20-тина дена.

– Нашиот репрезентативец пред 2-3 недели го оперираше десното колено и за негово опоравување се потребни најмалку три месеци. Секој ден се слушам со Богдан, кој ме информира дека операцијата која на направи во Калифорнија помина во најдобар ред – изјави докторот на српската репрезентација, Драган Радовановиќ за Спортклуб.

Поради долгата рехабилитација, повеќе од извесно е дека Богдановиќ нема да настапи на Евробаскетот кој треба да се игра од 1 до 18 септември, а Србија се наоѓа во група со Полска, Финска, Израел и Холандија.