Судот им одреди притвор на четворицата турски државјани кои синоќа беа уапсени во Скопје поради сомнение дека учествувале во инцидент – прво со „ауди“ удриле доставувач на мотор, па потоа го истепале младиот скопјанец.

„На 25.05.2026 во 01:30 часот во Скопје, полициски службеници од СВР Скопје ги лишија од слобода О.А.(21), А.Ф.Е.(21), Т.А.Б.(22) и А.И.О.(24), сите од Турција, постапувајќи по пријава на 24.05.2026 околу 19:55 часот дека на подрачјето на Центар, по претходна расправија околу сообраќајот, прво со нивното возило „ауди“ удриле во моторот на Ф.М. (20) од Скопје, додека извршувал работни задачи како доставувач, а потоа и физички го нападнале“ соопшти МВР.

Од страна на Единицата за насилен криминал при СВР Скопје во координација со ОЈО Скопје против насилниците е поднесена кривична пријава, а од страна на судија на претходна постапка одредена им е мерка притвор.

Турски државјани со „ауди“ удриле скопски доставувач на мотор, па потоа го истепале