Од скопската Зоолошка градина соопштија дека нивните двогрби камили по третпат добија принова.

„Вчера во ЗОО Скопје се роди ова мало преслатко камилче на мама Мираи и тато Карло и е трето дете во фамилијата после неговите брат и сестра Буби и Ками“, велат од Скопје ЗОО.

Оттаму посочија дека мајката Мираи и малото бебе ноќта ја поминале изолирани од другите членови на семејството, со цел да бидат под надзор, а веќе од денеска новороденчето е надвор од изолација.