Иако поминаа три месеци, принцот Чарлс вели дека сѐ уште не го вратил своето чувство за мирис и вкус откако се зарази со коронавирусот во март, на самиот почеток на пандемијата на коронавирусот.

Британскиот принц со здравствените работници зборуваше за неговата здравствена состојба и искуството од инфекција со коронавирус за време на посетата на Кралската болница во Глочестершајр.

Тој при босетата на болницата беше придружуван од неговата сопруга, војвотката од Корнвол, која рече дека персоналот го покажал „најдоброто лице на Велика Британија“.

Притоа, постојано и двајцата ги следеле правилата за оддалеченост од два метри.

Нивната посета во болницата бил првиот јавен настап на двојката откако се воведени строги мерки за ограничување во Британија.

Принцот јавно признал дека се уште нема чувство за мирис и вкус откако успешно се излекува од коронавирусот во месец март.

Војвотката Камила изјави дека минатиот викенд тие ја оствариле својата прва вистинска средба со внуците, велејќи дека тоа е „одличен настан“ кој го потпомага лекувањето и психофизичката состојба, но сепак се уште не можеле да ги гушнат.