Принцот Џорџ и принцезата Шарлот вчера скршија многу срца, ова беше нивната прва и најважна улога
Правнуците на кралицата Елизабета Втора беа најмладите ожалостени во погребната поворка на кралицата. Двете најстари деца на принцот Вилијам и неговата сопруга, принцезата Кејт беа со нивните родители.
Присуството на принцезата Шарлот е потсетник дека владеењето на кралицата стави крај на стотици години машко владеење во британската монархија. Од 2013 година, помладиот син повеќе не може да ја замени постарата ќерка во редот на наследството, што значи дека Шарлот е трета во линијата за тронот.
Prince George and Princess Charlotte show respect to their late Great Grandmother at today’s funeral.
Thank you for your service Your Majesty. Rest in peace to our late Queen 👑🖤🙏#QueenElizabethII #queensfuneral #PrincessCharlotte #PrinceGeorge #PrincessofWales pic.twitter.com/XVGhXw8sBe
— Prince George of Wales (@PrinceGeorgeof1) September 19, 2022
Деветгодишниот принц Џорџ (кој е втор по редот на тронот по неговиот татко) и неговата 7-годишна сестра, тргнале на училиште само неколку дена пред нацијата да почне да жали за својата владетелка со најдолг стаж.
Улогата на децата во церемонијата сигурно се разгледувала веќе подолго време. На претходните државни погреби на монарси, внуците, а камоли правнуците, обично не играле никаква формална улога. Оваа промена е делумно последица на 70-годишното владеење на кралицата, но и како дел од желбата на сегашната монархија да проектира стабилност во Обединетото Кралство.
View this post on Instagram
Во неделата беше објавено дека присуството на Џорџ и Шарлот на погребот било предложено од „високи советници на палатата“, а неименуван функционер рече дека присуството на Џорџ би било пожелно „само за да се увери нацијата во редот на наследување“.
Нивното присуство многумина потсети на младите Вилијам и Хари кои присуствуваа на погребот на нивната мајка, принцезата Дијана, во 1997 година. „Тоа е една од најтешките работи што сум ги направил“, рече принцот од Велс.
This moment between Charlotte and George!! They are doing so well and are so supporting to each other!!#princegeorge #PrincessCharlotte pic.twitter.com/bcIWrskIzh
— Kateprincessofwales_fan (@duchesskatefan_) September 19, 2022
Но, околностите на погребот на кралицата беа различни од погребната поворка на Дијана во која браќата шетаа на отворено со сега веќе кралот Чарлс Трети, принцот Филип и братот на Дијана, Чарлс Спенсер.
Инаку, овој потег многу ги вознемири фановите на кралското семејство бидејќи многумина сметаат дека децата не треба да се изложуваат на вакви тажни настани кои се случуваат пред очите на јавноста.
Повеќе написи на темата:
Принцот Џорџ и принцезата Шарлот пристигнаа на погребот на кралицата во придружба на Кејт и Вилијам
ВИДЕО: Внуците на кралицата Елизабета бдеат пред нејзиниот ковчег