ФОТО | Најемотивната фотографија: Принцезата Шарлот се расплака на погребот на кралицата Елизабета Втора
Вчера британското кралско семејство се прости со кралицата Елизабета Втора, еден од најдолговечните монарси.
Во капелата Свети Џорџ во Виндзор вчера попладнето беше извршена последната јавна богослужба за кралицата Елизабета Втора.
За време на богослужбата, кралот Чарлс Трети беше видно трогнат и неколку пати за малку ќе заплачеше, особено додека се пееше националната химна. Тој во венецот на ковчегот, кој беше направен со цвеќиња кои лично ги избрал, стави рачно напишана порака до неговата мајка.
„Во љубов и посветено сеќавање“, пишуваше во пораката.
Кралот Чарлс Трети и кралицата сопруга Камила одеа веднаш зад ковчегот додека влегуваа во готската црква за богослужбата, по што следеа принцезата Ана и нејзиниот сопруг вицеадмиралот Тим Лоренс, потоа принцот Ендрју, а зад него и принцот Едвард и неговата сопруга Софи.
Принцот Џорџ и принцезата Шарлот беа со своите родители, принцот Вилијам и принцезата Кејт, а беа следени од принцот Хари и неговата сопруга Меган и други членови на кралското семејство.
Еден од најемотивните моменти кои фотографите успеаа за го забележат е моментот кога седумгодишната принцеза Шарлот не успеа да ги сокрие солзите и се расплака на погребот на нејзината прабаба, кралицата Елизабета Втора.
Принцезата Шарлот носеше црн фустан и брош од дијамантска потковица. Тој брош, наводно, ѝ бил подарок од кралицата Елизабета Втора бидејќи Шарлот ја имала истата љубов кон коњите како и кралицата.
Кралицата Елизабета Втора беше погребана по приватна церемонија во Виндзор, соопшти вчера британското кралско семејство.
Во соопштението на веб-страницата на кралското семејство се вели дека таа е погребана „заедно со војводата од Единбург, во меморијалната капела на кралот Џорџ Шести“.
Принцот Џорџ и принцезата Шарлот пристигнаа на погребот на кралицата во придружба на Кејт и Вилијам