Пригожин: Руската војска се обиде да ги крене во воздух борците на Вагнер

Фото: Телеграм / принтскрин

Шефот на платеничката група Вагнер, Евгениј Пригожин, кој во последно време често се судира со руското воено раководство, ја обвини руската армија дека се обидува да ги крене во воздух неговите луѓе.

Во мај, Вагнеровците го зазедоа украинскиот Бахмут по неколкумесечни крвави битки и оттогаш им ги предадоа своите позиции на редовните руски сили.

Денеска Пригожин на Телеграм изјави дека неговите војници пронашле десетина локации каде што вработените во Министерството за одбрана поставиле експлозиви, вклучително и противтенковски мини, велејќи дека тоа им било наредено од претпоставените, пишува Sky News.

Пригожин тврди дека такво нешто немало намера да го одврати непријателот, со оглед на тоа што мините биле поставени во областа зад линијата на фронтот.

„Затоа, претпоставуваме дека експлозивните направи биле наменети за единиците на Вагнер кои напредувале кон целта“, рече тој.

„Ништо не експлодираше и никој не е повреден. Претпоставуваме дека ова е обид за јавно камшикување“, додаде тој.

Руското Министерство за одбрана не ги коментираше овие последни обвинувања против Пригожин.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот