Кларк беше на чело на ФА на Англија речиси четири години и за тоа време имаше доста контроверзни коментари кои многумина ги оквалификуваа како дискриминаторски. Но, последниот коментар го чинеше оставка. Тој ја искористи фразата „обоени фудбалери“.

– Моите неприфатливи зборови беа контрапродуктивни за нашата игра и сите тие кои гледаат, играат, судат и уредуваат. Длабоко сум тажен поради тоа што ја навредив заедницата која моите соработници и јас толку многу сакавме да ја вклучиме – изјави Кларк.

Некои од неговите контроверзни фрази се уште се прераскажуваат како што се „Азијците, црномурестите и останатите малцинства имаат поинакви цели од белците“ или „голмани во женскиот фудбал има се помалку бидејќи жените се плашат дека топката ќе ги удри“.