Веста дека итно е запрено тестирањето на вакцината од Оксфорд го загрижи светот, а сега се огласи и претседателот на компанијата АстраЗенека кој рекол дека и покрај прекинувањата вакцината ќе пристигне до крајот на годината.

Вакцината против коронавирусот на Универзитетот во Оксфорд би требала да биде подготвена за употреба до средината или крајот на декември, рекол на онлајн конференција претседателот на компанијата Паскал Сорио.

Тој објаснил дека компанијата мора да почека одобрување од независната комисија за безбедност пред да продолжи со испитувањата на вакцината.

Сорио демантираше дека жена од Британија, која доброволно ја примила вакцината, добила оток на рбетниот мозок и рекол дека е неопходно да се постави точна дијагноза.

Оксфорд го стопира развојот на вакцина против Ковид-19, се разболе еден од волонтерите

– Кога ќе знаеме што точно се случило, ќе знаеме и кога можеме да го продолжиме истражувањето. Вообичаено е ваквите процеси да се паузираат и да продолжуваат кога вакцината ќе се покаже безбедна, само што ретко тоа го набљудува целиот свет, рекол тој.