Дете од Србија, на 14-годишна возраст, синоќа паднало во јама длабока 10 метри додека си играло со врсници, објави „Нова“.

Момчето си играло со група другари на земјено ритче во белградската населба Нов Белград, кога ритчето наеднаш се срушило и се отворила длабока дупка во земјата.

На местото на настанот веднаш пристигнале екипи на Итна медицинска помош, како и полиција.

„Момчето било во свесна состојба, но со видливо тешки повреди, и со возило на Итна помош итно било пренесено во болница. Со дијагностика е утврдено дека има тешки повреди на ‘рбетот, односно сериозни скршеници на пршлените“, изјавил извор запознаен со случајот.

За настанот веднаш биле известени надлежната полициска управа, како и дежурното обвинителство.

На местото на несреќата бил извршен увид, а детална полициска истрага ќе ги утврди сите точни околности и причини што довеле до незгодата.

Спасувачка акција во Белград: Дете паднало во дупка длабока пет метри