Премиерот Христијан Мицкоски го осуди нападот врз екипата на Инфомакс. „Слободен печат“ упати прашање до премиерот преку владината прес-служба, за нападот каде синоќа среде емисија во живо напаѓач упаднал во студиото на „Инфомакс“ и, освен што кршел врати со влезни кодови, влеал страв и несигурност кај присутните во студиото, сето тоа го правел во име на одбрана на премиерот Мицкоски.

Имено, напаѓачот кога влегол во студиото му се обратил на Александар Митовски, уредникот на „Инфомакс“, со зборовите „кој си ти да го навредуваш премиерот?“.

„Апсолутно го осудуваме ваквиот однос на поединци за кои бараме од надлежните институции до крај да ја проследат постапката. За нас слободата на медиумите и нивната независност е врвен приоритет. Ќе продолжиме да обезбедуваме простор секој медиум, без разлика на ставовите, да го ужива правото на слободно изразување без страв и притисок“, одговорија од Владата на прашањето на „Слободен печат“.

Детали за упадот во „Инфомакс“: „Кој си ти да го навредуваш премиерот?“, му рекол вандалот на Мечка и го гаѓал со чаши