Сообраќајот во воздухопловната зона на аеродромот Ајндховен, на југот на Холандија, беше прекинат неколку часа во саботата вечерта поради забележани дронови, соопшти холандскиот министер за одбрана Рубен Брецелманс.

Сообраќајот бил обновен околу 23 часот, рече Брецелманс, два часа откако првпат ја објави информацијата за нарушувањето.

„Одбраната презеде мерки. Поради безбедносни причини не може да се сподели дополнителна информација,“ додаде тој.

Het vliegverkeer op luchthaven Eindhoven is zojuist hervat.

Defensie heeft maatregelen getroffen, maar kan vanwege veiligheidsredenen nu nog niet meer informatie delen over de wijze waarop.

Verstoring van vliegverkeer met drones is onaanvaardbaar. Dus treden we hiertegen op.

— Ruben Brekelmans (@DefensieMin) November 22, 2025

Холандската војска во петокот навечер користела оружје против дронови забележани над воздухопловната база Фолкел, околу 40 километри североисточно од Ајндховен, соопшти претходно во саботата Министерството за одбрана.

Холандската армија стрелаше врз дронови

„Ајндховен“ функционира и како цивилен и како воен аеродром. Сите видови воздушен сообраќај биле суспендирани, потврди Брецелманс.

На прашањето дали е познато од каде дошле дроновите, Министерството за одбрана немало дополнителен коментар.

Дронови над американската нуклеарна база во Белгија

Во последните месеци, дронови и други нарушувања на воздушниот простор предизвикаа значителни проблеми низ Европа.

Во септември, повеќе од 20 руски дронови влегоа во полскиот воздушен простор, а три руски воени авиони го повредија воздушниот простор на Естонија во траење од 12 минути.

Неидентификувани дронови исплашија холандски војници на воена вежба во Полска