Тешка несреќа се случила вчера утрото на автопатот Охрид-Кичево, кога автомобил изгубил контрола и прегазил работник од Кина, соопшти Министерството за внатрешни работи. Во несреќата, повреден е и возачот.

„На 15.06.2026 во 07:55 часот во СВР Охрид е пријавено дека на автопатот во изграда Охрид – Кичево, кај селото Оровник, општина Дебарца, К.Ш.(32) од селото Корошишта, струшко, управувајќи патничко возило „мерцедес“ со струшки регистарски ознаки, изгубил контрола над возилото и удрил во шахта, а потоа во Л.Ј.(46) од Народна Република Кина, со престој во селото Извор, кој извршувал работни задачи на автопатот“ соопшти МВР.

Во несреќата со тешки телесни повреди се здобил Л.Ј., додека со телесни повреди се здобил возачот на патничкото возило, констатирани во Специјалната болница „Свети Еразмо“ Охрид.

По наредба на јавен обвинител, возачот К.Ш. е лишен од слобода, а увид извршила увидна екипа на СВР Охрид. По целосно документирање на случајот ќе следува соодветна пријава.

Мајка го удирала тримесечното бебе од асфалт во Тетово, ужаснати очевидци ѝ го одзеле