На едно место можете да ги погледнете и купите речиси сите спортски суперавтомобили кои можете да ги замислите.

За љубителите на суперавтомобилите, Дубаи е една од најдобрите дестинации. На улиците на овој град може се видат сите најлуксузни и најскапи спортски модели, а многу од нив се наоѓаат и во возниот парк на локалната полиција.

Сите барања на богатите купувачи во Дубаи ги исполнува најголемиот продавач на суперспортски и лускузни возила во овој град, „VIP Motors UAE“. Покрај актуелните модели, во овој продажен салон може да се видат и некои суперавтомобили кои повеќе не се произведуваат, а интересно е што многу од нив се застапени со 2, 3 или 4 примероци.

На пример, тука се два автомобила „Mercedes-Benz SLR McLaren“, легендарниот модел кој одамна не се произведува, додека актуелниот „Ferrari 812 Superfast“ е застапен со дури четири примероци.

„Porsche 918 Spyder“, кој во периодот 2013-2015. година се произведуваше во ограничена серија од само 918 возила, во салонот на „VIP Motors UAE“ е застапен со 3 автомобили, а тука се и трите „Lamborghini Aventador SVJ“.

Во ова продажно место не недостасуваат ниту скапоцените „SUV“ автомобили и теренци, меѓу кои е и „Mercedes-Benz G500“, но и „Maybach Landaulet“, додека „Lamborghini Urus“ може да се види во 4 примероци.