Италијанската луксузна модна куќа „Прада“ во февруари 2026 година ќе претстави ограничена колекција сандали кои ќе бидат произведени во Индија, соопшти извршниот директор на компанијата Лоренцо Бертели во интервју за „Ројтерс“. 

Секоја пар чевли ќе се продава по цена од околу 800 евра (околу 930 долари), и ќе се произведува во соработка со локалните занаетчиски организации во деловите Махараштра и Карнатака.

Колекцијата комбинира елементи од традиционалната индиска обувка „Kolhapuri chappals“ рачно изработени кожни сандали со вековна традиција  со италијански производни техники.

Оваа иницијатива следи по критиките што „Прада“ ги доби пред околу шест месеци откако на „Milan Fashion Week“ прикажа сандали слични на „Kolhapuri chappals“ без да ги именува или кредитира нивните индиски корени. Фотографиите од ревијата станаа вирални, предизвикувајќи незадоволство меѓу индиските занаетчии и политичари, што резултираше со јавно признавање од страна на „Прада“ дека дизајнот бил инспириран од древните индиски мотиви.

Според Бертели, проектот ќе ги комбинира стандардните способности на оригиналните производители со техничките вештини на „Прада“, а планираното лансирање ќе биде глобално во преку 40 „Прада“ продавници ширум светот и онлајн продажба.