Познатиот црн шешир што Мајкл Џексон го носеше непосредно пред да го изведе својот легендарен танц „прошетка на месечината“ („moonwalk“), беше продаден за 77.640 евра, на аукција во Париз, во присуство на многу обожаватели и љубопитни луѓе, пренесува „Журнал де Монтреал“.

Овој волнен шешир обложен со свила, од моделот „федора“ беше проценет помеѓу 60.000 и 100.000 евра. Тој беше еден од 200-те продадени артикли на аукцијата организирана од аукциската куќа „Лемон окшн“.

„Извесен Адам Кели бил на шоуто на 25 март 1983 година, кога го земал овој шешир, мислејќи дека персоналот на пејачот ќе дојде и ќе ја собере, но тоа не се случило“, изјави Артур Перо, генерален директор на галеријата која го ставила шеширот на продажба.

Адам Кели го чувал неколку години пред да го продаде на американски колекционер. Шеширот подоцна повторно се појавува во европска колекција.

Инаку, понудувачите, исто така, се наддаваа за гитарата на Т-Бон Вокер (1910-1975). Инструментот, кој е произведен во само 22 примероци се продададе за 129.400 евра.