Познати полуфиналните двојки на ЕП, Словенците ѝ се реваншираа на Чешка
Денеска во последното четвртфинале на Европското одбојкарско првенство репрезентацијата на Словенија со резултат 3:0 во сетови 25:21, 25:19 и 27:25 ја совлада Чешка.
Чесите не го искористија домашниот терен во Острава каде што овие две селекции се сретнаа еднаш во групната фаза и триумфираа домаќините со 3:1.
Но, Словенците се реваншираа и за пласман во големото финале ќе играат против Полјаците кои вчера максимално со 3:0 славеа над Русија.
Најефикасен во победничката селекција беше Стерн со 19 поени, шест помалку имаше Урнаит, а на спротивната страна 13 поени забележа Галабов.
Сите мечеви од завршницата на ЕП ќе се играат во полскиот град Катовице, на 18 септември покрај дуелот помеѓу Полска и Русија, ќе се игра и второто полуфинале помеѓу актуелниот европски шампион Србија и Италија. Следниот ден на 19 септември се финалето и натпреварот за третото место.