29 C
Скопје

Постерот на 14-годишниот Павел од Куманово победи на глобалниот натпревар на ФАО: Земјоделецот е суперхерој

И покрај силната конкуренција на деца и млади ширум светот четиринаесет годишниот Павел Милановски од Куманово е победникот на глобалниот натпревар на ФАО за постер по повод Светскиот ден на храната.

фото: МИА

Во соопштението испратено од тимот стои благодарност до хероите на храната, а тоа како што велат се земјоделците и и работниците низ целиот синџир на снабдување со храна кои, без оглед на околностите, обезбедуваат храна за нашите заедници и пошироко.

Оддавањето чест токму на овие херои го инспирираше 14-годишниот Павел Милановски од Куманово да ги преточи својот уметнички талент и имагинација во победнички постер кој им оддава чест на земјоделците како херои на храната #FoodHeroes. Павел ја освои првата награда во категоријата од 13-15 години на глобалниот натпревар на ФАО за постер по повод Светскиот ден на храната во 2020 година, во силна конкуренција на деца и млади ширум светот. Како млад уметник, Павел има освоено многу други национални и меѓународни уметнички натпревари на тем поврзани со руралниот живот, одржливото живеење и грижата за животната средина, стои во соопштението.

Победничкиот постер

Според победникот Павел, земјоделецот е суперхерој, а не некој што едвај заработува за живот, затоа, тој смета дека не смееме да ја земаме храната и луѓето што ја произведуваат здраво за готово. Тие треба да бидат поддржувани да одгледуваат разновидна храна за да ги нахранат луѓето и да ја одржуваат нашата планета.

– Кога Павел бил мал, неговите родители често го носеле во блиско село за набавка на свежи производи произведени од локален земјоделец. Тој бил поучуван дека со избирање на локално произведена храна, можеме да им помогнеме на малите земјоделци кои ја произведуваат нашата храна, на нивната локална економија, но и на животната средина, се наведува во соопштението.

– Да се почитува храната значи да се почитуваат производителите на храна и природните ресурси во нашата животна средина, вели Павел.

Инаку, Павел и стотици други млади натпреварувачи ширум светот се шампиони на целта на ФАО да се поттикне почит кон храната, кон луѓето што ја произведуваат, кон ресурсите кои притоа се искористуваат и, што е најважно, кон сите оние на кои храната им недостига.

Поврзани вести

Филипче: На 14 мај пристигнуваат 38 400 вакцини од „Астра-Зенека“

Слободен печат

Претседателот на Собранието, Џафери се сретна со чешкиот министер за одбрана Метнар

Слободен печат

Државата за багателни цени сака да распродава земјоделско земјиште

Слободен печат

Во Тексас убиени двајца заменици шерифи

Владата ја одржа 69. седница, донесени повеќе одлуки

Слободен печат

ФОТО: Скопската зоолошка градина за првпат стана дом на џуџести крокодили

Слободен печат

Остави Коментар