Во неделата на Велигден, 88-годишниот тешко болен и видно исцрпен папата Франциск им пркоси на советите на своите лекари и се појави во Ватикан да ја благослови толпата верници. Неколку часа подоцна, во понеделник наутро, на Велигден беше објавена неговата смрт , од мозочен удар и срцева слабост.

Папата дишеше самостојно, без цевки за кислород, и покрај тоа што лекарите му рекоа дека ќе помине два месеци во опоравување по 38 дена поминати во болница со двојно воспаление на белите дробови.

„Драги браќа и сестри, ви посакувам среќен Велигден“, рече тој со гласот тежок од напор. Ова беа неговите последни зборови во јавноста.

Потоа следеше неговата обиколка со папското возило на плоштадот во Ватикан, меѓу верниците, а потоа се врати во своите одаи.

Папата помина мирно попладне, а вечерта имаше лесна вечера.

„Ви благодарам што ме вративте на плоштадот. Ова беа некои од последните зборови кои папата Франциско ги упати на својот личен асистент и болничар Масимилијано Страпети.

-Дали мислиш дека можам да го направам тоа? – го прашал претходно, пред неговото појавување во Ватикан.

И покрај советите и силните препораки на неговите лекари – и со приближувањето на Велигден – во последните две недели Франциск го направи она што отсекогаш го правеше во текот на неговото папство: се појавуваше во Ватикан, ги посетуваше институциите и примаше посетители, одржувајќи тежок распоред за да биде со верниците.

На крајот на краиштата, тоа им беше јасно на сите, уште од моментот кога беше отпуштен, дека сака да го помине Велигден во Ватикан. И, како „типичен“ Франциск, го одржа ветувањето.