После 78 победи по ред, конечно „паднаа“ Американците! (ВИДЕО) – Слободен печат
КошаркаСпорт

После 78 победи по ред, конечно „паднаа“ Американците! (ВИДЕО)

Сите тие откази и повреди во најдобрата кошаркарска репрезентација на САД пред настапот на СП се чувствува и низ контролните натпревари.

За првпат во историјата селекцијата на Австралија во меѓусебните дуели ги совладаа Американците предводени од Попович со резултат 98:94 (23:26, 25:24, 30:27, 20:18).

Во јубилејниот 30 меч меѓу Австралија и САД, популарните „кенгури“ на преполнетиот „Марвел“ стадион во Мелбурн пред 52.079 гледачи славеа голема победа.

Американците паднаа за првпат после 78 победи во низа во сите натпревари, а со овој триумф Австралијците можат да се надеваат на медал на претстојниот Мундобаскет во Кина кој што ќе стартува на 31 август.

Најзаслужен за оваа победа на Австралија беше Пети Милс, искусниот плејмејкер во завршните три минути од средбата реализираше 10 одлучувачки поени и го скрши отпорот на САД.

Вкупниот учинок на Милс беше 30 поени (10/22 од поле, 4/10 за три), а на спротивната страна Вокер запиша 22 поени, два помалку Барнс.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close