Порто со фуриозно второ полувреме го реши Вардар
„Црвено-црните„ загубија на гостувањето кај Порто со убедливи 22:30.
Ракометарите на Вардар го доживеаја шестиот пораз во групната фаза во Лигата на шампионите и најверојатно во осминафиналето ќе влезе како шестопласиран во групата Б.
Во одлучувачкиот натпревар за петтото место, Вардар е поразен на гостувањето кај Порто со 22:30 и сега португалскиот тим има бод предност на табелката во пресрет на последното коло кое се игра наредниот викенд.
Вардарци благодарение на расположениот голман Марко Кизиќ поведе со 3:1, но одговорот на домашниот тим беше серија од 4:0 по што до крајот на полувремето се играше израмнето. Ракометарите на Порто ја имаа контролата врз резултатот и на одмор се замина со 10:11.
Стартот на вториот дел беше одлучувачки за поразот на Вардар, при 11:12, домашните ракометари направија серија од 6:0 со која отидоа на недостижни 11:18. „Црвено-црните“ не успеаја да се вратат во игра и на крајот доживеаја
пораз од 22:30.
Данил Шишкарев со седум гола беше најдобар стрелец во редовите на Вардар, додека Кизиќ имаше 10 одбрани. Кај Порто, Кинтана броеше до 14, а кај стрелците се истакнаа Ареја Родригеш и Андре Гомеш со по пет.
Во последното коло, на 29 февруари во Скопје доаѓа Монпелје и Вардар мора да победи доколку не сака да заврши шести. Меѓутоа, дури и тогаш ќе зависи од Порто, ќе чека негов пораз во Брест, затоа што сега дури ни реми на тој меч со Мешков не одговара, поради подобриот меѓусебен скор на Порто.