Поранешната шампионка на Вимблдон изгледа непрепознатливо (ФОТО)
Голем дел од професионалните спортисти по завршувањето на кариерите, знаат да се „опуштат“ и да качат некој килограм повеќе. Но, Мерион Бартоли се чини дека претера во пензионерските денови.
Французинката во 2013 година триумфира на Вимблдон и веднаш замина во пензија. Една година подоцна таа запозна момче кое и го смени животот, но на полошо. Бартоли по раскинот со дечкото, прво „стопи“ многу килограми и во 2016 година за време на посетата во Индија се разболе од мистериозен вирус кој и го исцрпе организмот. По неколкумесечниот престој во болница, таа имаше само 40 килограми, но успеа да се опорави.
– Многу килограми загубив поради бившото момче кој животот ми го направи вистински пекол. Прифатив некои работи кои се неприфатливи и си велев дека тоа не е ништо сериозно, а на крајот завршив потполно уништена. Изгубив многу килограми, бев премногу слаба, имав само 40 килограми, а сето тоа влијаеше на имунолошкиот систем, па вирусот ме уништи – изјави Бартоли.
Сепак, на овогодинешното издание на Вимблдон, Мерион Бартоли беше непрепознатлива покажувајќи дека болеста со мистериозниот вирус одамна е завршена. Таа успеала да „качи“ неколку десетина килограми повеќе поради што се најде во центарот на вниманието на Вимблдон.