Поранешната Мис туризам Хрватска, денес претприемачка и дизајнерка на накит, Иванчица Пахор, пред неколку месеци објави дека боледува од рак кој ги зафатил лимфните јазли. Оттогаш, таа се бори со тешката болест, а со својата нова објава на Инстаграм, трогна многумина.

Со фотографија од автомобилот, Пахор напишала како болеста ја променила и што ја научила.

„Оваа болест ме научи да се сакам себеси каква што сум. Косата падна на перницата, во огледалото замор и бледило… И токму тогаш ја откриваш силата и убавината што немаат никаква врска со совршенството“, напиша таа во објава што растажи многумина.

Иванчица во ноември минатата година на Фејсбук откри дека ѝ е дијагностициран рак и тогаш сподели со јавноста низ што поминува.

„Во овие моменти поминувам низ најтешката агонија во мојот живот и најголемата борба досега. Медицинските анализи ја потврдија дијагнозата за рак. Оние што ме познаваат знаат дека целиот мој живот беше голема и постојана борба – паѓав, но секогаш станував. Немав време за жалење, ниту за пауза. Се дадав самата себе до крајните граници, а сè поради една желба: моето семејство да биде среќно“, напишала Пахор.

ВИДЕО | Поранешна хрватска мис откри дека боледува од рак: „Боже, во твоите раце се предавам, води ме“