Четири лица загинаа, а уште 15 се водат како исчезнати кога огромен пожар зафати две станбени згради во Валенсија, каде живеат околу 450 луѓе. По големата несреќа, одложен е и фудбалскиот натпревар во „Ла Лига“ помеѓу Валенсија и Гранада кој требаше да се одигра викендов.

Во петокот Валенсија излезе со соопштение во кое побара одложување, а лигата многу брзо реагираше и го одобри барањето на Валенсија. Новиот датум ќе биде објавен подоцна.

– Сите ние во фудбалскиот клуб Валенсија сме шокирани и тажни од веста за пожарот што се случи и сакаме да упатиме најискрено сочувство до семејствата и пријателите на жртвите. Сакаме да им се заблагодариме и на јавните служби за нивните напори и работа – порачаа од Валенсија, додека пораки со сочувство до настраданите и поддршка за погодените од пожарот пристигнуваат од сите клубови во Шпанија.

Во соопштението, Валенсија наведува дека тренинзите и за машкиот и за женскиот тим ќе започнат со едноминутно молчење во петок, а знамињата ќе бидат спуштени на половина копје во сите клупски простории.

По несреќата, многу клубови од „Ла Лига“ се огласија со пораки на сочувство.

Estamos tremendamente desolados al confirmarse la presencia de víctimas mortales en el incendio de Campanar. Queremos enviar nuestras más sinceras condolencias a las familias y allegados de las víctimas.

Asimismo, reiteramos todo nuestro apoyo a los héroes que siguen trabajando… pic.twitter.com/U4nnLQgLQ7

— Valencia CF (@valenciacf) February 23, 2024