Рускиот систем С-400 претставува закана по безбедноста на војската и на воената технологија на САД, изјави американскиот државен секретар Мајк Помпео пред неговиот турски колега Мевлут Чавушоглу.

Според Помпео, руските системи што ги купила Турција ќе и овозможат пристап на Русија до нејзините вооружени сили и одбранбена индустрија.

Државниот секретар на САД побарал од Чавушоглу да го реши проблемот со С-400 на начин кој е согласно „нашата децениска историја во одбранбениот сектор”. Тој, исто така, ја повика земјата да се посвети на обврските на НАТО за набавување оружје што е интероперативно.

Истовремено, Помпео уверува дека целта на санкциите на Вашингтон е да се спречи Русија да добие „значителни приходи”, а не да се поткопуваат воените капацитети на Турција или нејзината борбена готовност.