Полскиот фудбалски клуб Ракув побара од УЕФА да го исклучи Макаби Хаифа од Израел од европските клупски натпреварувања во сезоната 2026/27, откако тие истакнаа политички транспарент за време на реваншот од третото квалификациско коло во Конференциската лига во Дебрецен, Унгарија.

На транспарентот пишуваше: „Убијци од 1939 година“. Ракув победи со 2:0, а во првиот натпревар дома загуби со 1:0, па така се пласираше во плејофот во кој ќе се сретне против Арда од Бугарија.

– Во врска со скандалозните инциденти во кои беа вклучени навивачите на Макаби Хаифа за време на натпреварот во четврток во Дебрецен, поднесовме официјална жалба до УЕФА, барајќи, меѓу другото, израелскиот клуб да биде исклучен од европските натпреварувања следната сезона поради повторени прекршувања на правилата на федерацијата – објавија од полскиот клуб.

Дисциплинската комисија на УЕФА претходно отвори истрага за Макаби и Ракув. Израелците би можеле да бидат казнети и за неприфатливото однесување на тимот, а Полјаците за употребата на пиротехнички средства од страна на навивачите.