Полска играше храбро, но Франција не дозволи изненадување на стартот од СП
Со натпреварот помеѓу Франција и домаќинот Полска денес беше отворено Светското првенство. Полјаците пружија солиден отпор на фаворизираниот противник, но на крајот Французите славеа победа со 26:24.
„Триколорите“ беа подобриот противник во поголемиот дел од натпреварот, меѓутоа натпреварот го одлучија во последните минути кога стигнаа до три гола предност.
Полска на стартот со една мини-серија дојде до предност, но Франција одговори со серија од 4:0. И во продолжение од полувремето гледавме натпревар со по неколку серии на двете страни. На пауза се Франција замина со еден гол предност (14:13).
Резултатска неизвесност гледавме и во второто полувреме, долго време се играш „гол за гол“. Франција во последните три ипол минути поведе со 25:22 и така го приведе натпреварот кон крајот во своја корист.
Најефикасен кај Франција беше Мем со шест гола, додека Шичко кај Полјаците постигна седум.