Тажен крај имаше деветчасовната потрага на полицијата и бројни граѓани по 63-годишен човек од гостиварското село Форино, откако рано утрово тој бил пронајден мртов во атарот на селота Врапчиште.

Роднини на исчезнатиот синоќа околу 21:30 часот пријавиле во гостиварскта полиција дека тој ден човекот не се вратил дома и дека не можат да го најдат. Тој работел како овчар на бачило во околината на Врапчиште.

Веднаш по пријавата започнала потрага на терен, во која биле вклучени полицајци, како и пожарникари од Гостивар. По речиси девет часа, утрово околу 6 часот човекот бил пронајден без знаци на живот, во близина на пат кој го градат приватни фирми во атарот на Врапчиште.

Лекар ја констатирал смртта, а увид извршиле јавен обвинител и екипа од ОВР Гостивар. Телото е дадено на обдукција за да се утврди точната причина за смртта, велат од полицијата.

Жена му однела јајца со кокаин и марихуана на сопругот во затворот Идризово