Полицаец вработен во службата за обезбедување во Собранието е фатен како вози БМВ во центарот на Скопје, а немал положено возачки испит. Против него е поднесена кривична пријава до Основното јавно обвинителство против полицаецот А.Б. заради безобѕирно управување со моторно возило.

-Пријавениот А.Б., полициски службеник во Одделението за обезбедување на Собрание на РСМ, Сектор за обезбедување на објекти од државен интерес при Оддел за заштита на определени личности и објекти, на 12.02.2026 на ул.„11 Октомври“ во Скопје управувал негово лично патничко моторно возило „бмв“ без положен возачки испит, односно без возачка дозвола, кое по наредба на јавен обвинител е одземено. Одделот за внатрешна контрола, криминалистички истраги и професионални стандарди против А.Б. поднесе предлог за поведување на постапка за утврдување на дисциплинска одговорност – информираат од МВР.

Пред една недела исто така беше фатен полицаец кој возел без положен возачки испит. Му беше одземено службеното оружје и ќе биде упатен на психијатриски и психолошки преглед.