Марк Маркез покажа класа во квалификациите за Големата награда на Шпанија, кои се возеа во тешки, дождливи услови на патеката Херез – Анхел Нието, освојувајќи ја својата 75-та пол-позиција во кариерата и прва по пауза од дури 245 дена.

Шпанецот беше најбрз кога беше најпотребно, поставувајќи време од 1:48.087, со што стигна и до првата пол-позиција оваа сезона во Мото ГП.

Зад него се најдоа Јохан Зарко и Фабио Ди Џанантонио, кои ќе стартуваат од првиот ред.

Квалификациите поминаа во знак на дождливото време, што им создаде дополнителни проблеми на возачите околу стратегијата и изборот на гуми, но Маркез најдобро се снајде и го извлече максимумот од условите.