Фудбалската репрезентација на Македонија ќе направи скок на најновото ФИФА-рангирање, иако имаше разочарувачки резултати во ноемврискиот прозорец – реми со Летонија и убедлив пораз од Велс.

Сепак, благодарение на падот на Хондурас, Македонија ќе ја заземе 64. позиција, што е напредок во однос на претходното рангирање. Во најновото рангирање, Македонија се наоѓа во друштво со Албанија (63. место), Буркина Фасо (62. место), Јужна Африка (61. место) и Ирак (60. место).

На врвот на листата, нема промени. Шпанија останува лидер, следат Аргентина, Франција и Англија. Бразил направи скок од две позиции и сега е петти, додека Португалија паѓа на шесто место. Холандија е седма, а најдобрите десет ги комплетираат Белгија, Германија и Хрватска, која се враќа во ТОП-10.

Преземено од: Sport.com.mk