Почнува нокаут-фазата на СП 2022: Аргентина и Холандија фаворити против Австралија и САД
На Светското првенство во Катар денеска ќе се одиграат првите осминафинални натпревари: Холандија – САД и Аргентина – Австралија.
Од 16.00 часот е закажан мечот меѓу репрезентациите на Холандија и САД, а од 20.00 часот силите ќе ги одмерат Аргентина и Австралија.
Холандскиот тим заврши на првото место во групата „А“ со седум бодови, додека тимот на САД го зазеде второто место во групата „Б“ со пет бодови.
Аргентинците се пласираа во осминафиналето како први во групата „Ц“ со шест бодови, додека австралискиот тим беше втор во групата „Д“ со исто толку бодови.
Распоредот на осминафиналните натпревари со термините на СП 2022 –
3 декември:
16:00 часот: Холандија – САД
20:00 часот: Аргентина – Австралија
4 декември:
16:00 часот: Франција – Полска
20:00 часот: Англија – Сенегал
5 декември:
16:00 часот: Јапонија – Хрватска
20:00 часот: Бразил – Јужна Кореја
6 декември:
16:00 часот: Мароко – Шпанија
20:00 часот: Португалија – Швајцарија