Елајџа Блу Алман е отпуштен од болница по предозирање со дрога минатиот викенд, дознава Ти-ем-зи. Извори блиски до случајот велат дека синот на Шер и покојниот Грег Олман бил отпуштен од болница во Јужна Калифорнија среде неделата, откако во сабота наутро итно бил пренесен од неговиот дом во близина на Џошуа Три. Сега е дома и продолжува да се опоравува.

Претходно беше пријавено дека властите реагирале на дојава за маж кој се однесувал невообичаено. Кога пристигнале полицајците, медицинските лица веќе биле присутни и му укажувале помош на Елајџа.

Во домот била пронајдена дрога, а додека Алман бил пренесен во болница на лекување, истрагата за настанот сѐ уште трае.

Како што пренесуваат изворите, Шер, како и секоја мајка, е целосно посветена на добросостојбата на својот син и прави сѐ што е во нејзина моќ за да му помогне.

Алман и претходно јавно зборувал за својата борба со зависноста – во едно интервју од 2014 година откри дека почнал да користи дрога уште на 11-годишна возраст.

Во 2023 година, Шер поднесе барање за старателство над неговите финансии, посочувајќи дека не е во состојба да управува со сопствениот имот поради сериозни ментални и зависнички проблеми. Неколку месеци подоцна, тие постигнаа договор и го затворија случајот.