Светската ракометна федерација ја направи и втората промена на учесници на Светкото првенство во Египет, по Чешка втора селекција која нема да игра на ракометниот Мундијал е САД.
Очекувано, причина за ваквата одлука на ИХФ е коронавирусот, односно во селекцијата на САД има 18 ракометари позитивни на корона и само 12 кои се здрави.
Така по Македонија и репрезентацијата на Швајцарија во последен момент ги пакува коферите за пат кон Египет, а лесно може да се случи и третата замена за листата на ИХФ, Холандија да биде повикана за настап на СП бидејќи големи проблеми со коронавирусот има и селекцијата на Зеленортските острови.
