Рано утрово, петмесечно бебе било донесено без знаци на живот на Универзитетската клиника за детски болести во Скопје. Случајот во полицијата бил пријавен од страна на медицинскиот персонал на клиниката, соопшти МВР.

„Настанот е пријавен на 12.05.2026 година во 06:05 часот. Таткото на бебето го пронашол своето дете починато во нивниот семеен дом, на подрачјето на општината Чучер-Сандево, околу 05:30 часот наутро. Веднаш по пронаоѓањето, тој се упатил кон клиниката за да побара помош, но дежурните лекари можеле само да ја констатираат смртта“, велат од МВР.

Полицијата во соопштението додава дека бебето, според информациите од таткото, било предвремено родено. Случајот се истражува.

Се запали „порше“ во движење во Радишани, возачот не е повреден