Спортската јавност се збогува со новинарот и долгогодишен спортски коментатор Сами Адеми, чиј глас со децении беше препознатлив белег на фудбалските натпревари на националната репрезентација.

„Колегата Адеми остави длабока трага во спортското новинарство преку својата професионалност, посветеност и страст кон спортот и новинарската професија“, соопштија од Здружението на новинарите на Македонија (ЗНМ).

Како што велат оттаму, неговите преноси и коментари беа дел од најзначајните спортски моменти што ги памети македонската јавност.

„Неговиот придонес во македонското спортско новинарство ќе остане трајно запаметен“, констатираат од ЗНМ.