Нова тага го потресе српскиот фудбал, поранешниот фудбалер на Рад, Земун, Раднички си замина прерано. Почина екс капитенот на Рад, Борислав Стевановиќ, потврдија од клубот од Бањица.

– На 46-годишна возраст почина нашиот поранешен играч и капитен Борислав Стевановиќ, на сите попознат како Бора гол. Беше еден од милениците на навивачите и секогаш добредојден гостин на Бањица. Упатуваме најдлабоко сочувство до семејството Стевановиќ. Почивај во мир – објави ФК Рад на социјалните мрежи.

Ќе остане запаметен и по еден натпревар за репрезентацијата на Југославија, единствениот настап беше против Јапонија на збогувањето на Драган Стојковиќ Пикси во 2001 година.

Борислав Стевановиќ е роден на 22 септември 1975 година, а поголемиот дел од 90-тите ги помина во Раднички Ниш, каде што дебитираше на сениорската сцена.

За шест години на „Чаир“ одигра 101 натпревар и постигна 28 гола, по што се пресели во шпанската Мерида, каде остана само во сезоната 1998/99 и се врати во Србија. Тој ги бранеше боите на Рад до 2003 година и стана легенда на клубот од Бањица, во чиј дрес го доби прекарот Бор гол. На 106 натпревари постигна 46 гола.

View this post on Instagram

A post shared by Фудбалски Клуб Рад (@fkradbeograd)

По заминувањето од Бањица играше за Земун (2003-2005), а второто патување во странство го имаше во романскиот регион Крајова, од каде се врати во Србија и ја заврши кариерата во БАСК во 2007 година.