Почина легендарниот шкотски голман Енди Горам
Легендарниот голман на Глазгов Ренџерс и на шкотската репрезентација, Енди Горам, почина на 58-годишна возраст, по кратка битка со ракот.
Горам имаше 260 настапи за Ренџерс, а во периодот од 1991 до 1998 година освои пет титули во шкотската Премиер лига, три Купа и два Лига купа.
Rangers Football Club are today deeply saddened to announce the death of our legendary goalkeeper, Andy Goram, following a short battle with cancer.
— Rangers Football Club (@RangersFC) July 2, 2022
Горам го бранеше и голот на репрезентацијата на Шкотска, настапи на 43 натпревари, и има две учества на Европските првенства, во 1992 и во 1996 година.
Горам е роден во Бјури, Англија во 1964 година и како мал повеќе го сакал крикетот од фудбалот Но, откако на 15 години потпишува за ВБА се менуваат работите и фудбалот му станува главна пасија. Дебитираше на 16-годишна возраст во мај 1981 година и за ВБА настапи на 219 натпревари.
🏆 5x Scottish Premier Division
🏆 3x Scottish Cup
🏆 2x Scottish League Cup
🏆 2000/2001 Premier League
🏆 92/93 SWFA Footballer of the Year
🏆 92/93 SPFA Players’ Player of the YearRIP Andy Goram, a Rangers Legend 👏 pic.twitter.com/k2nlE4HkLP
— talkSPORT (@talkSPORT) July 2, 2022
Потоа потпиша за Хибернијан каде играше четири години. Неговите одлични игри ги забележаа челнците на Глазгов Ренџерс, а новиот менаџер на овој клуб, Волтер Смит плати милион фунти за негов трансфер.
По заминувањето од Ренџерс, тој играше за Нотс Каунти, Шефилд Јунајтед и Мадервел. Горам го оствари сонот во сезоната 2000/01 кога легендарниот менаер сер Алекс Фергусон го донесе на позајмица во Манчестер Јунајтед за кого одигра само натпревари.
По одисејата во Јунајтед, Горам го бранеше голот и на Хамилтон, Ковентри, Олдам, Квин од Саут, а кариерата ја заврши во Елџин Сити во 2003 година.